പള്ളിക്കത്തോട്: മകള്‍ക്കു വിദേശത്തു ജോലി നല്‍കാമെന്നു പറഞ്ഞ് വീട്ടമ്മയില്‍നിന്ന് ലക്ഷങ്ങള്‍ തട്ടിയ കേസില്‍ യുവാവിനെ പോലീസ് അറസ്റ്റ് ചെയ്തു.
പത്തനംതിട്ട ആനയടി പള്ളിക്കല്‍ പുത്തന്‍വീട്ടില്‍ വടക്കേതില്‍ സെബാസ്റ്റ്യന്‍ സിബിച്ചനെ (ചാക്കോച്ചി, 40)യാണ് പള്ളിക്കത്തോട് പോലീസ് അറസ്റ്റ് ചെയ്തത്.
മകള്‍ക്ക് ഓസ്‌ട്രേലിയയില്‍ ജോലി വാങ്ങി നല്‍കാമെന്ന് പറഞ്ഞ് പള്ളിക്കത്തോട് സ്വദേശിനിയായ വീട്ടമ്മയില്‍നിന്ന് ഇയാൾ മേയ്, ജൂണിൽ 5,90,000 രൂപ തട്ടിയെടുക്കുകയായിരുന്നു.
ജോലി നല്‍കാതെയും പണം തിരികെ നല്‍കാതെയും കബളിപ്പിച്ചതിനത്തുടര്‍ന്ന് വീട്ടമ്മ പോലീസില്‍ നൽകിയ പരാതിയിലാണ് ഇയാളെ പിടികൂടിയത്. എറണാകുളം രാമമംഗലം കുന്നക്കാട്ട് വാടകയ്ക്കു താമസിക്കുന്നതിനിടെയാണ് അറസ്റ്റ് ചെയ്തത്.
